CAGAYAN DE ORO CITY-Gitakdang kaluton sa PNP ang duha ka atabay nga giingong gipangbutangan sa mga napatay’ng tawo sa pamilyang Parojinog pipila ka tuig na ang milabay sa Ozamiz City ning adlawa.
Kini human gibulgar sa pipila sa mga brgy opisyal ang mga ilegal nga kalihukan sa pamilyang Parojinog nga gilakipan ni City Mayor Reynaldo Parojinog Sr ug mga igsoon niini sa maong syudad.
Gibutyag ni Ozamiz City Police Station commander C/Insp Jovie Espenido nga gamitan nila duha ka backhoe ang pagkalot sa maong mga sekretong atabay nga nahimutang sa Brgy Cogon sa maong syudad.
