CAGAYAN DE ORO CITY-Gipaubos sa kustodiya sa kapolisan ang anak nga lalaki nga naturalize US citizen sa naka-eskapo nga si Ozamiz City Councilor Ricardo ‘Ardot’ Parojinog.
Kini aron makuhaa’g mga pahayag kabahin sa posibleng gitaguan sa amahan niini nga wanted na sa balaod tungod sa pag-eskapo dihang gisilbi ang search warrant sa pinuy-anan niini.
Giangkon ni Kristof Parojinog nga gitawagan pa siya sayo sa kadlawon aron ipapauli sa ilang panimalay sa Brgy Lawis tungod kay gi-atake sa mga pulis ang iyng mga ginikanan.
Pag-abot niya sa ilang balay sa sayo sa kadlawon, daw mibatig pangorog ang iyang lawas human makita ang nagkatag nga dugo sa crime scene.
Gani, bisan siya naghandum nga anaa sa luwas nga kahimang ang iyang naka-ikyas nga amahan.
Sa pagkakaron padayong gihuptan sa mga operatiba ang anak ni Ardot, kinsa usa sa mga nakalista sa personalidad nga silbihan unta sa search warrant.
