CAGAYAN DE ORO CITY-Gibutyag ni City Fire Marshall Supt Richard Arbutante nga duha pa ka semana gikan karon mahibal-an ang hinungdan sa sunog sa San Vicente, Brgy Puntod ning syudad nga gikamatay sa lima katawo.
Si Arbutante miingon nga moabot sa P100,000 ang structural damage sa pagkasunog sa duha ka andanang panimalay nila ni Eduardo ug Melody Cerillo.
Una niini, lima katawo ang namatay sa maong sunog nga gilakipan nila ni Louie,10 anyos nga special child; Michelle,13; Mary Grace,12; Mark Kenneth Cerillo, 21 ug Connie Nandong.
Una nang nagtoo ang ahensiya nga electrical o napasagdan nga niluto ang hinungdan sa pagdilaab sa kalayo.
