CAGAYAN DE ORO CITY-Gikompimar ni COWD chairman of the board Ed Montalvan nga gitangtang nila sa puwesto ang ilang General Manager Engr Rachel Beja.
Miingon si Montalvan nga nawad-an sila’g pagsalig kang Beja hinungdan nga giwala nila sa pagka-manager sa COWD.
Samtang,nasubo usab nakurat si Beja sa gihimo kaniya sa ilang board of directors.
Kini tungod kay gihimo ang pagtangtang kaniya mismo sa ilang christmas party niadtong Disyembre 2017.
Nagsumikad ang paglangkat kang Beja sa puwesto tungod sa isyu gihapon sa kontrata sa COWD ug MetroPac.
Hisayrang subay sa pagsabot ni Beja nga mibati’g kasuko ang board kaniya tungod sa gihangyo niini nga katin-awan sa kasamtangang kontrata sa COWD ug MetroPac nga kontrobersyal dinhi sa syudad.
