CAGAYAN DE ORO CITY-Nagtoo si City Mayor Oscar Moreno nga wala na’y panahon aron masugdan ang pagtuki sa articles of impeachment nga atubangon ni Chief Justice Maria Lourdes Sereno gikan sa Marso hangtod Hunyo ning tuiga.
Kini bisan kon mahuman sa kamarabaha ang ilang pag-determinar ug debate sa mga basehan sa impeachment case nga giatubang ni Sereno.
Miingon si Moreno kinsa kanhi prosecutor usab sa impeachment case ni former President Joseph Estrada nga kulangon na ang panahon hinungdan nga masugdan ang pag-trial sa senado batok Sereno sa pag-subli pagbukas sa sesyon sa Kongreso sa Hulyo ning tuiga.
Nasayran nga nagkakusog ang panawagan nga angay na lamang mag-resign si Sereno kaysa mataral kini sa impeachment court aron maproteksyonan ang dignidad ug kredibilidad sa Korte Suprema.
