Posibleng mag-atubang og equal liability ang mga co-perpetrators ni former President Rodrigo Duterte kung siya makonbikto sa kasong crimes against humanity, matod ni Atty. Ephraim Cortez sa National Union of Peoples’ Lawyers.
Giingon ni Cortez nga ang pagmando ni Duterte sa extrajudicial killings sa panahon sa drug war dili untang nahitabo kung wala ang kooperasyon sa mga co-perpetrators sama sa mga heneral ug opisyal sa gobyerno.
Para kaniya, ang partisipasyon sa mga co-perpetrators usa ka importante nga bahin sa pagpatuman sa maong krimen, busa angayan ug dapat lang nga sila usab mag-atubang sa mabug-aton nga kaso nga atubangon ni Duterte.
Gipahimangnoan usab ni Cortez nga ang hustisya sa mga biktima sa drug war kinahanglan masiguro ug dili lang ang nagmando ang responsabli, kondili apil usab ang mga nakig-alayon sa pagpatuman sa krimen.
