CAGAYAN DE ORO CITY – Dili imposible nga ma-privatize kon walay kasulbaran ang mga suliran nga giatubang sa oldest city water district nga nakabase dinhi sa syudad.
Kini ang nakit-an nga posibilidad ni CWGG 10 convenor Atty Antonio Soriano nunot sa gitakdang pag-takeover sa sa Local Water Utilities Administration o LWUA interim officials sa COWD.
Namahayag si Soriano nga pinaagi sa LWUA intervention,hayan mo-rekomendar kini kang Pres Bongbong Marcos nga ipaubos sa pribado nang pagdumala ang COWD ug posible ang kompanyang MetroPac-COBI ang mo-takeover niini sama sa nahitabo didto sa kauluhan.
Apan dili komportable ang pipila ka hugpong sa negosyante nga ipaubos sa pribadong pagdumala ang unang water district sa nasud nga nakabase dinhi sa syudad.
Kini ang gipalanog nga reaksyon usab ni Misamis Oriental-Cagayan de Oro MSME Devt Council chairman Raymundo Talimio Jr nunot sa posibilidad nga pasudlon ang pribadong kompanya aron sila ang mopadagan sa COWD.
Miingon si Talimio nga tipik sa negatibong epekto niini ang wala na’y kontrol nga water rate increase.
Hisayrang tipik sa gisupakan ni city govt tali sa COWD-COBI contract ang pagka-diskobre sa kada- three years automatic rate increase rason gustong mabaliwala ang kontrata.
