CAGAYAN DE ORO CITY-Dili manginlabot ang unyon sa Cagayan de Oro City Water District sa gilugwa nga “termination paper” sa administration board sa ilang buhatan.
Mitin-aw si Engr Antonio Young, presidente sa First Labor Union of Water District nga nagpabilin silang “neutal” sa isyu nga batok sa pagsipa kang kanhi COWD General Manager Engr Rachel Beja.
Miingon si Young nga kanunay nilang gisuportahan ang kasamtangang administrasyon sa ilang buhatan ug ang kaayuhan sa ilang mga konsumante ang ilang gipatigbabaw.
Namugos usab si Young dili nila gusto nga magkagubot ug magbahin-bahin g ang ilang buhatan.
