CAGAYAN DE ORO CITY – Milampus ang Cagayan de Oro City Task Force to End Local Communist Armed Conflict (CDOCTF-ELCAC) sa pagpasabot sa katawhan nga namuyo sa mga hinterland barangays, ning syudad, nga kinahanglan nilang tabangan ang gobyerno aron masanta ang kapin 50 ka tuig nga insuhensiya nga gipaluyuhan sa mga miyembro sa rebeldeng New Peoples Army.
Si Army Major Regie Go, spokesperson sa 4ID Philippine Army, mipasabot sa programang Good Morning Philippines nga tungod sa namugna nga “inter-agency task force” mas paspas ug nasustinahan sa gobyerno ang pagtabang sa mga nagsurrender nga mga rebelde.
Sa milabay’ng semana, ang paglusad sa CDO-CTF-ELCAC gitambungan ni City Mayor Oscar Moreno isip chairman sa napangday nga task force, kuyog ang iyang mga kaabag nga mga kasundaluan ug ahensiya sa gobyerno nga mu-atiman sa panginahanglan sa mga mitahan nga rebelde.
