CAGAYAN DE ORO CITY-Gikalipay ni Ozamiz City Police Station commander C/Insp Jovie Espenido nga nakasakaan na’g patung-patong nga kasong kriminal ang magsoong Vice Mayor Nova Princess ug Reynaldo Parojinog Jr sa piskalya sa Quezon City sa kauluhan.
Kini human nakita sa Dept of Justice nga may probable cause ang gipasaka nga mga kaso sa CIDG baton sa mga magsoon diin sila nakuhaa’g mga armas,explosibo ug gidiling droga.
Ang magsoong Parojinog ang tipik sa 14 ka nakalinggawas sa peligro dihang nahimo nga dugu-on ang anti-illegal drug operation batok kang late Mayor Reynaldo Parojinog Sr ug Board Member Octavio Parojinog Jr sa ilang mga pinuy-anan sa miaging kadlawon sa Domingo sa Ozamiz City.
