CAGAYAN DE ORO CITY-Gitunulan sa wounded medal awards ni AFP chief of staff Gen Eduardo Año ang 53 ka samarong sundalo gikan sa Marawi nga naka-confine sa Camp Evangelista Station Hospital diha sa Brgy Patag ning syudad.
Gibutyag ni 4th ID Philippine Army spokesperson Capt Joe Patrick Martinez nga nakahatag sa dugang morale sa mga sundalo ang pagbisita ni Año dungang usab sa paghatag sa inisyal nga mobile tent hospitals kagahapong adlawa.
Gibilin nga mensahe ni Año nga ipadayon ang pagpulbos sa tanang armadong pundok nga bahad sa seguridad nga naglakip sa Maute-ISIS sa Marawi City ang CPP-NPA-NDF.
Hisayrang nagpaabot usab sa hand of support ang kapikas ni Año ngadto sa mga sundalo nga anaa sa panggubatan atol gihapon sa pagbisita sa Camp Evangelista ning syudad kagahapong adlawa.
