CAGAYAN DE ORO CITY-Pabiling nagpakahilom ang Ozamiz City Police Office sa mga identity sa mga dinakpan human ang nahitabong duguong pagsilbi sa unom ka mga search warrant sa pamilyang Parojinog sa kadlawon sa adlaw’ng Domingo.
Apan subay sa nakuhang impormasyon sa Bombo Radyo, gikompirmar sa lokal nga media sa maong dapit ang uban pang nga mangamatay nga sila civilian volunteer members Miguel del Victoria, Nestor Cabalan ug Daniel Vasquez.
Gani, pabiling tak-om ang baba Ozamiz City Police Station comander C/Insp Jovie Espenido sa bisan paghatag sa mga ngalan sa mga gipangsikop.
Nagtoo si Espenido nga mao kini ang ilang labing tin-aw nga paagi sa paghatag respeto sa mga gipang-hold sa mga operatiba.
Apan gipasabot niini ang publiko nga dili tanan sa ilang mga gidakop ang makasuhan. Ang kaso magsumikad sa korte sa Quezon City ug dili sa ilang syudad kay didto man gikan ang pinirmahan search warrants.
