CAGAYAN DE ORO CITY-Nasikop sa hiniusang puwersa sa militar ug PNP ang suspected bomb expert kuyog ang laing miembro sa rebeldeng New People’s Army o NPA diha sa Quezon,Bukidnon kagahapong adlawa.
Kini human unang nahitabo ang engkuwentro tali sa duha ka pundok diin milungtad sa pipila ka minutos.Gibutyag ni 4th ID,Philippine Army spokesperson Capt Joe Patrick Martinez nga maoy nasikop si Ruel Calolot kinsa giingong miembro usab sa Anakpawis partylist ug ang laing Ramil Calolot.
Miingon si Martinez nga kabahin sa nakuha ang 19 ka improvised explosive device o IEDs,mga armas ug ubang paraphernalia.
Hinoon,walay nakalas sa duha ka panig atol sa maong engkuwentro.
