CAGAYAN DE ORO CITY-Gipangandaman nang daan sa kapolisan ang posibleng pagpanimalos sa nabiling armadong grupo sa pamilyang Parojinog sa Ozamiz City.
Sa eksklusibong pakighinabi sa Bombo Radyo sa hepe sa maong estasyon,gibutyag ni Ozamiz City Police Station commander C/Insp Jovie Espenido nga kanunay nagmaigmat ang ilang pundok batok sa maong espekulasyon.
Gi-angkon ni Espenido nga nagkabisi ang ilang mga sakop sa pag-asikaso sa mga ipasakang kaso sa kapin 14 ka dinakpan.
Gani, human sa duguong raid sa panimalay sa mga Parojinog, wala pay natala ng mga krimen sa ilang syudad. Base sa ilang intelligence monitoring, wala sila’y nadawat nga hulga sa pagpangatake gikan sa sympathizers sa mga Parojinog.
Hisayrang kabahin sa namatay sa dugu-ong operasyon,ang magtiayong Mayor Reynaldo ug Susan Parojinog ingon man si Octavio Parojinog Jr ug laing 13 pa.
