CAGAYAN DE ORO CITY-Gihagit ni PNP regional director C/Supt Timoteo Pacleb ang bag-ong promoted nga pulis nga gamiton sa tinarong ang ilang bag-ong nadugang nga ranggo.
Gihimo ni Pacleb ang hagit atol sa donning of ranks sa kapi’g 500 ka police officers sa Camp Alagar ug nagkadaiyang provincial police offices kagahapong adlawa.
Kabahin sa mga nahatagan sa one-rank promotions sila si Supt Mardi Hortillosa;Supt Ariel Philip Pontillas,Supt Jovie Espenido ug Supt Ritchie Yandug nga na-destino sa nagkadaiyang police office sa rehiyon.
Miingon si Pacleb nga samtang magdako ang ranggo sa mga pulis,molapad usab ang obligasyon niini ilabina sa paghatag proteksyon sa mga sibilyan batok sa mga dautang tuyo mohasi sa katilingban.
