CAGAYAN DE ORO CITY-Nasikop sa joint entrapment operation ang nagpatoo nga sakop sa New People’s Army dihang nangilkil sa negosyante dinhi sa syudad.
Giila ang biktima nga si Andrew Dy Chui, hingkod ang panuigon ug nagbaton sa negosyo nga poultry farm sa Bukidnon.
Miingon si City Intelligence Unit head C/Insp Ariel Philip Pontillas nga nasikop nila si John Mark Minister, 18-anyos dihang mi-report kanila ang biktima hinungdan
nga gilusad ang entrapment operation kagabii.
Nakuhaan sa eksplosibo ang suspek hinungdan nga mag-atubang kini sa patung-patong nga kaso sa piskalya.
Nasuta nga aktibo nga miembro ang suspek sa Minister Criminal Gang nga nakabase sa Brgy Besigan ning syudad.
