CAGAYAN DE ORO CITY, Philippines – Dili angayan mokompiyansa ang nasud sa pagbaton sa 1.9% inflation rate.
Miingon ang ekonomista ug Ibon Foundation-Executive Director Sonny Africa nga external factors ang hinungdan sa pag-ubos sa inflation sa Pilipinas.
Kini gilangkoban sa pag-ubos sa presyo sa lana sa World Market, paghinay sa ekonomiya sa Amerika ug China, ug pagpa-ubos sa taripa sa mga imported nga bugas.
Nagtuo si Africa nga mas importante tutukan sa gobyerno ang malungtaron nga pagtabang sa mag-uuma aron mukusog ang kita sa mga local rice producers.
Gibutyag ni Africa nga nakatabang usab ang pagpa-ubos sa presyo sa kinilo nga bugas sa 29 pesos.
