CAGAYAN DE ORO CITY – Samaron ang usa ka CAFGU sa nahitabong engkwentro sa Sitio Kamansi, Brgy Banglay Lagonglong Misamis Oriental, kagahapon.
Kini ang gi-angkon ni Capt Reggie Go, ang spokesperson sa 4ID Phil Army sa pakighinabi sa Bombo Radyo Cagayan de Oro.
Una niini, gihimakak ni Capt. Go ang gipasiatab nga report sa usa ka Nikolas Marino, spokesperson sa NPA North Central Mindanao, nga lima ka sundalo ang namatay sa init nga binayluay sa mga buhing bala.
Dugtong niini, namahayag si Go nga walay residente nga naipit sa engkwentro ug daghan ang samaron sa kampo sa mga rebelde.
Nagtoo si Go nga daghang samaran sa kampo sa NPA human sa engkwentro tungod sa mga lama sa dugo sa crime scene.
Samtang, padayong nagpaalim sa Camp Evangelista Station Hospital ang samarong sundalo.
