(Update) CAGAYAN DE ORO CITY-Misaka pa sa mil-075 ka pamilya ang apektado dihang miigo ang 4.2 magnitude nga linog sa kapin 20 ka barangay sa Wao,Lanao del Sur.
Kini subay sa ulahi nga data gikan sa Wao Municipal Disaster Risk Reduction and Managment Council nga pipila ka adlaw nang naglibot sa apektadong lugar sa maong lungsod.
Gibutyag sa Bombo Radyo ni Francis Garcia,hepe ng Wao-MDRRMC nga natala usab ang 37 ka balay nga totally damage gikan sa kapin libo nga naigo sa linog.
Gisaysay ni Garcia nga pabiling pito ka tawo lamang ang naangol atol sa mismong linog niadtong Setyembre 24 sa kadlawon.
Samtang,misaka pa sa kapin 15 milyon pesos ang damyos sa kabtangan sa mga residente ug imprastraktura nga giguba sa linog.
Nadamay usab ang pila ka ektarya nga maisan ug cassava farm dihang natabunan sa mga midahili nga yuta.
Dumduman nga ubos na sa state of calamity ang lungsod sa Wao tungod sa linog.
Samtang sa pikas bahin,molungtad pa sa pila ka adlaw ayha malugwa ang amage assessment dihang naigo usab sa 5.3 magnitude nga linog ang lungsod sa Kalilangan,Bukidnon.
Gibutyag sa Bombo Radyo ni Bukidnon PDRRMC head Johan Israel Damasco nga nangayo’g pipila ka adlaw nga lugway ang Kalilangan LGU ayha masubmitar ang final damage assesment sa ilang lugar.
Matud ni Damasco nga nagpabiling anaa sa 429 pamilya ang apektado sa maong trahedya.
Anaa na usab sa luwas nga kahimtang ang 10 ka residente nga unang samaron human mahulugi sa mga debris gikan sa mga nangaguba nga mga balay.
