CAGAYAN DE ORO CITY – Walay mga na-monitor ang Police Regional Office 10 nga adunay mga dagko ug dugu-ong mga hitabo sa pagsugod na’g aktibo sa election season sa Northern Mindanao diin gituguan na sa Comelec ang mga kandidato makaduso sa ilang sertipiko dekandidatura.
Miingon si PRO 10 spokesperson Maj Joann Navarro nga mipakatag sila sa sobra libo ka pulis sa nagkadaiyang bahin sa rehiyon pagsiguro nga mamintinar ang kahusay’g kalinaw sa usa ka semana nga COC filing.
Siya miingon nga partikular nga gipahimutang ang ubay-ubay’ng mga pulis sa nagkadaiyang Comelec offices diin dalikyatan sa mga indibidwal nga gusto mokandidato sa 2025 elections.
Samtang istrikto usab ang gabayan sa PRO 10 nga kon adunay ilang pipila ka pulis nga mosulod sa politika,otomatiko kining wad-on sa listahan isip aktibong sakop sa PNP.
