CAGAYAN DE ORO CITY-Gihulatan sa Provincial Disaster Risk Reduction and Management Office ang ‘go signal’ sa militar aron hingpit na nga makabalik sa ilang pinuy-anan ang 321 ka pamilya o 1,605 ka individuals nga namakwit tungod sa engkwentro sa Brgy Calaludan,Pagayawan, Lanao del Sur.
Miingon si PDRRMO head Saripada ‘Tong’ Pacasum Jr nga 120 ka pamilya sa maong ihap ang gikan sa Pagayawan; 19 sa Ikalilang; samtang 182 ka pamilya ang naggikan sa Kibaran, Dakot ug Dinaigan.
Gipasalig ni Pacasum nga nahatagan na’g relief goods ug uban pang hinabang ang internally displaced persons human magka-engkwentro ang militar ug Maute-ISIS nga gikamatay sa duha ka sundalo ug duha usab sa panig sa mga terorista.
Nasayran nga paspas nag-responde ang taga-gobyerno alang sa paghatag gobyerno sa maong lugar.
