CAGAYAN DE ORO CITY – Nabawian sa usa ka kilo nga gitoohang shabu ang suspected high value individual o HVI sa gikasa nga buy bust operation sa Brgy Lilod Saduc,Marawi City,Lanao del Sur.
Gibutyag ni Lanao del Sur Police Provincial Office Director Col. Robert Daculan nga maoy nadakpan si alyas Menso nga nagpuyo sa Brgy Bagu-Ingud,Ditsa-an Ramain,Lanao del Sur.
Siya miingon nga gawas sa nakuha nga gitoohang shabu,nabawian usab sa uban pang mga ebedensiya ang dinakpan.
Dugang ni Daculan nga dugay nang gipanid-an sa nagkadaiyang law enforcement units ang suspek hinungdan nga nakuha sa hingpit.
Mag-atubang sa kasong pagsupak sa Comprehensive Dangerous Drugs Act of 2002 ang dinakpan sa piskalya sa Marawi City.
