CAGAYAN DE ORO CITY – Gikumpirmar sa Lanao del Sur Police Provincial Office (LDSPPO) ang nahitabo nga pagpamusil sa Pantar, Lumbatan, Lanao del Sur.
Giila ni Provincial Director Police Colonel Madzghani Mukaram ang napatay’ng biktima nga si Lailani Bacarro, 33 anyos ug residente sa maong lugar.
Si Mukaram miingon nga lakip nga nasamdan ang paryente sa biktima kinsa kasamtangang nagpaalim pa sa balay-tambalanan sa Lumbatan.
Hisayran nga duha ka adlaw sa wala pa ang piliay, nagpablotter ang biktima tungod kay gi-harass ug gibaharan kini sa kaaway sa ilang pamilya.
Gitin-aw ni Mukaram nga rido ang motibo sa krimen ug dili election related.
