CAGAYAN DE ORO CITY – Patay ang driver sa motorsiklo samtang angol ang duha ka menor de edad nga backride sa pagbangga sa poste sa Zone 5 Silisili, Brgy Pagatpat ning syudad.
Giila ang namatay nga driver si Emannuel Mangging, 24-anyos, taga Zone 4 sa maong barangay samtang naila usab ang mga naangol nga silang Chanel Asebo, 11-anyos ug Nelvie Casuna, 12-anyos.
Gibutyag ni Police Staff Sgt. Dennis Palangpangan, traffic investigator sa Bulua Police Station nga nakainum ang driver dihang nagmaneho sa motorsiklo busa nibangga sa poste.
Dali pang gidala sa ospital ang mga biktima apan gideklarang dead on arrival si Mangging.
Hinoon luwas na sa delikadong kahimtang ang mga menor de edad nga backride.
