CAGAYAN DE ORO CITY-Patay ang usa ka tawo samtang laing 29 ang samaron sa bangga tali sa military truck ug pribadong sakyanan sa tulay sa Brgy Agay-ayan, Gingoog City, Misamis Oriental kaganihang kadlawon.
Giila ni Gingoog City Police Station commander Supt Ariel Philip Pontillas ang namatay nga si John Michael Abasolo diin nag-maneho sa Chevrolet sports utility vehicle kuyog ang laing duha ka kauban niini.
Gikan sa lungsod sa Medina ning lalawigan ang mga biktima dihang nasugat nila ang military truck nga sakay ang upat ka enlisted army personnel ug laing 23 ka Cafgu members gikan sa 58th IB, Philippine Army dihang nahitabo ang aksidente.
Nasuta nga hubog ang driver sa SUV nga mibangga sa miltiary truck gikan sa Butuan City ug padulong sa Cagayna de Oro City hinungdan sa dugu-ong aksidente.
