CAGAYAN DE ORO CITY – Patay ang singko anyos nga batang babaye human nalumos sa tubig baha sa San Fernando,Bukidnon.
Namahayag ang Office of the Civil Defense (OCD-10) nga gawas sa bata nga namatay gibana-bana nga kapin 3-mil na ka indibidwal ang napabakwit human nabahaan ang ilang mga puy-anan.
Lakip sa apektado sa Monsoon Rains ug Severe Thunderstorms ng tulo ka lugar sa probinsya sa Bukidnon, ang Pangantucan, San Fernando ug Valencia City.
Apektado usab ang westeng bahin sa Misamis Oriental ug ang syudad sa Cagayan de Oro.
Segun sa inisyal nga Report sa Barangay Iponan Disaster Risk Reduction and Management Office nga kapin 502 ka tawo ang napabakwit sa ilang lugar tungod sa pag-awas sa Iponan river.
Hinoon, natunulan na sa food ug non food items ang nagpasilong nga mga bakwit sa ilang barangay covered courts.
Niadtong Lunes, miawas labing dakung dam sa Bukidnon sa Valencia ug San Fernando nga nag-resulta sa gatos ka pamilyang bakwit ug kapin 20 ka balay ang nadamyos sa tubig baha.
Gumikan sa tibook gabii nga ulan, wala maagii ang diversion road sa Valencia-San Fernado tungod sa landslide.
Hinoon, maagian na ang mong dalan tungod sa paspas nga clearing operation sa DPWH
Dugtong niini, naguba ag Steel Foot Bridge sa San Fernando ug hangtud karon wala pa kini matul-id kay kusog pa gihapon ang pag-ulan sa tulo ka lugar sa Northern Mindanao.
Taliwala sa kusog nga mga pag-ulan walay giisa nga alerto ug gale warnings ang OCD sa tibook rehiyon.
