Gibutyag ni gobernador Yury Slyusar, tolo sa mga biktima anaa sa kritikal nga kondisyon.
Ang pag-atake midamyos sa mga komersyal nga pasilidad ug nagpasiga og sunog sa bodega sa usa ka logistics company, nga napalong na human sa evacuation.
Usa usab ka barko nga nagdala sa foreign flag ang nadaot sa Taganrog Bay tungod sa debris sa drone.
Segun sa Kyiv Independent, giigo sa Ukrainian forces ang duha ka defense-related enterprises sa Taganrog.
Una ang Beriev Aviation Complex nga nag-modernize sa Tu-95 bombers ug A-50 surveillance aircraft, ug gisunod ang Atlant-Aero plant nga nag-develop og drones.
Nagpadayon ang imbestigasyon samtang gipaabot pa ang dugang detalye sa epekto sa pag-atake.
