Namatay ang usa ka 47-anyos nga Indian national human magbangga ang duha ka helicopter samtang nag-landing sa helipad sa Pheriche, Solukhumbu District sa Nepal.
Subay sa taho sa mga otoridad, nagbangga ang mga rotor blade sa mga helicopter nga parehong gidala sa Fishtail Air ug Dynasty Air samtang ga-landing sila sa helipad.
Giila ang namatay nga si Vasant Kumar Balara Madu ug naangol usab ang 53-anyos nga si Shailesh Kishan Patel, usa ka Indian citizen nga natawo sa New Zealand.
Sa kasamtangan, padayon pang gisusi ang uban pang mga detalye kalabot sa maong insidente. (raniel mahunyag)
