CAGAYAN DE ORO CITY – Gitigbas-patay ang usa ka lalaki sa iyang kaugalingong igsoon sa Purok 7, Brgy Miglamin, Malaybalay City,Bukidnon.
Giila ang biktima nga si Carmelito Paradero, 23 anyos,minyo samtang maoy suspek ang manghod niini nga si Jed Paradero, 22 anyos,ulitawo nga pulos residente sa lugar.
Gibutyag ni Malaybalay City Police Station commander Lt. Col. Jerry Tambis nga naglalis ang magsoon ug mi-resulta sa pagpanigbas gamit ang ”purok”.
Nadala pa sa ospital ang biktima apan gideklara kini sa mga doktor nga dead on arrival sa naangkon niining daghang samad-tinigbasan sa kalawasan.
