CAGAYAN DE ORO CITY-Patay sa masaker ang usa ka ginang samtang laing tulo ang samaron sa masaker nga nahitabo sa lungsod sa utlanang bahin sa Talakag,Bukidnon ug Lanao del Sur kagabii.
Giila ang namatay nga si Mariel Daculay,23 anyos,minyo ug nagpuyo sa lungsod sa Talakag.
Samaron usab si Jireh,2 anyos;Jay-R,17 anyos ug Irish Daculay kinsa mabdos dihang kabahin sa naigo sa mga bala nga gipaulan sa gitoohang Maranao Muslims sa maong lugar.
Nagtoo ang inahan ni Irish nga si Inday Daculay nga bangi sa yuta ang nag-una nga motibo sa kremin.
Kini ilabina nga nagtinguha ang mga suspek pag-ilog sa yuta nga gitikad sa iyang son-in-law hinungdan nag-resulta sa bangi sulod na sa duha ka tuig.
Nangatulog na ang mga biktima dihang giatake sa mga wala mailang responsable hinungdan sa kamatayon ni Mariel ug pagkaangol sa laing tulo ka biktima.Giimbestigaran pa sa mga otoridad ang maong kremin.
