CAGAYAN DE ORO CITY-Giimbestigaran usab sa kapolisan ang dugu-ong aksidente diin patay ang motorista dihang gikabangga ang tri-cab sa Brgy Kalabaylabay,El Salvador,Misamis Oriental.
Sumala ni El Salvador Police Station commander Supt Randy Anito nga giila ang biktima nag si Alvin Oco,hingkod ang panuigon nga nagpuyo sa Brgy Bolisong sa maong dakbayan.
Nakaangkon sa seryosong bun-og ug samad ang biktima tungod sa kakusog sa impact hinungdan nga dead on arrival nga nadala sa ospital.
Hinoon,luwas ra ang mga nakasakay nga pasahero samtang gipaubos sa imbestigasyon sa driver sa maong tri-cab.
