CAGAYAN DE ORO CITY – Dead on the spot ang usa ka trucker human mabanggaan sa duha ka mga sakyanan sa national highway sa Brgy Bugo kagahapon sa udto.
Naila ang namatay nga si Lerriel Dave Emejas, hingkod ang edad ug molopyo sa Lower Biangan, Malungon,Sarangani Province ug nagsilbing officer staff sa Alin Logistic Corporation.
Segun sa Puerto Police Station nga na-alanganin sa pagmaneho ang biktima ug midikit sa sakyanan nga gimaneho ni Roger Mauring, 47 anyos nga taga P-6,Brgy Tablon nga maoy nagdala sa Fuzo tractor.
Misulay sa pagkawat sa linya apan walay swerteng natabo niini ang usa pa ka trak nga gimaneho ni Rixon Barcelo, 30 anyos nga taga Gusa hinungdan sa aksidente.
Naitsa ang iyang sakyanan balik sa gisubay nga lane si Emjeas, busa napunggitan kini sa truck nga dala ni Mauring. Dali nga gidala sa Sabal Puerto Hospital ang biktima apan gideklarar kining patay na.
Kasong reckless imprudence resulting to homicide and damage to property ang isang-at sa duha ka detinado nga truck drivers.
