CAGAYAN DE ORO CITY – Wala pay ulan apan, landong na ang Imabari Ehime, Japan, karong hapon.
Kini ang gibutyag ni Jessie Bag-o, lumad nga taga Impasug-ong Bukidnon, ug mukabat na sa usa ka tuig ang iyang pagtrabaho sa Imabari isip shipbuilder ug welder.
Namahayag ang pinoy OFW nga gipa-half day sila sa ilang employer ug gi-abisohan nga magpuyo sulod sa balay.
Kini human usa na ang natalang patay ug tolo ang samaron sa pag-ulan nga dala sa Bagyong Hagibis.
Gipabakwit na sab ang pipila ka mga molopyo sa coastal area tungod sa posibleng tsunami o storm surge.
Una niini, gitin-aw ni Bag-o nga wala pa magland fall ang bagyo sa mga isla sa Japan apan duna nay mga ulan nga gidala ang maong bagyo sa ilang lugar.