CAGAYAN DE ORO CITY-Patay ang 25-anyos nga helper human mahulugan sa kahoy sa Brgy Imelda, Villanueva, Misamis Oriental. Giila ang namatay nga si Johnny Tiburcio, 25 anyos, minyo ug residente sa FS Catanico, Brgy Cugman ning syudad samtang 9 ang samaran.
Sumala sa imbestigador sa Villanueva Municipal Police Station nga si P02 Dave Mark Tobias nga sakay si Tiburcio sa Izuzu truck nga gimaneho ni Orpheus Andalion, lumad nga taga Quezon, Bukidnon dihang nahitabo ang aksidente.
Kargado ang trak sa mga pinutol nga gemilina round logs nga gikan sa Mati, Claveria apan dihang panaog na ang truck nahitaboa ng aksidente.
