CAGAYAN DE ORO CITY – Patay ang usa ka residente nga naanod samtang nalumos dihang naanod sa kalit nga pagbaha saa Brgy Kimaya,Villanueva,Misamis Oriental.
Kini human kalit nga mibundak ang kusog nga pag-ulan nga naresulta sa pagkaanod sa biktima nga si Reyland Quilang,35 anyos nga nagpuyo sa maong lungsod.
Miingon si Misamis Oriental PDRRMO head Fernando Dy Jr nga gikan nangahoy ang biktima dihang naabtan sa pagbaha hinungdan naanod ug narekober na lamang sulod sa imburnal kagahapong adlawa.
Gawas niini,pipila usab ka heavy equipment ang nangaanod ug may mga balay nga nasudlan sa tubig-baha gumikan sa kusog nga pag-ulan.
Samtang nakaangkon usab sa lapad nga pagbaha ang mga residente nga nagpuyo sa Brgy Bugo,Puerto,Agusan ug Brgy Cugman ning syudad.
Kini human nakasinati sa kusog nga pag-ulan ang este nga bahin sa syudad diin nagresulta sa lawom nga pagbaha partikular ang pipila ka sona sa Brgy Bugo sugod kagahapon sa hapon.
Gibutyag ni CDRRMD head Nick Jabagat nga hinoon walay tawo nga namatay gawas lamang sa pipila ka residente nga nakaangkon sa ginagmay’ng pagkasamad gumikan sa pagbaha.
Giangkon ni Jabagat nga miawas ang tubig gikan sa gamay’ng sapa nga nahimutang sa interior nga bahin sa Bugo diin nagresultat nga dili magamit ang covered court kay kabahin sa gisabwan sa baha.
Dugtong niini,gibasol sa pipila ka residente ang mga basura sa ilang lugar busa sila nakasinati sa pagbaha sa Brgy Bugo ning syudad kagahapong adlawa.
Miingon si Mary Guevarra nga ang mga basura nga gipangkuha sa mga trabahante sa brgy sa ilang mga kanal ang igo lamang gibilin sa kilid busa nabanlas balik sa imburnal ug misaka ang tubig.
Gibutyag ni Guevarra nga nga kanunay na nilang nasitian ang maong problema.
Kini ang hinungdan nga miapelar sila sa brgy officials nga unta dunay maayo nga paagi sa pagkuha sa mga basura aron dili kini mobalik sa drainage ug mosulod sa ilang mga pinuy-anan.
Una niini,inisyal nga anaa sa 40 ka pinuy-anan ang nasudlan sa tubig-baha sa duha ka sona kagahapong adlawa.
