CAGAYAN DE ORO CITY – Naka-gawas na ang usa sa siyam ka paring Katoliko nga ubos sa Archdiocese sa Cagayan de Oro nga unang natakbuyan sa COVID-19 dinhi sa dakbayan.
Kini human unang nasulod sa nagkadaiyang ospital ang maong mga pari tungod sa bayrus nga mitapot sa ilang panglawas.
Gibutyag ni Archdiocese of Cagayan de Oro consultor Msgr Rey Manuel Monsanto nga maoy nakagawas na si Msgr Perceus Cabunoc kinsa kura paroko sa Sr Jesus Nazareno Parish diha sa Brgy 26 ning dakbayan.
Apan giklaro ni Monsanto nga gisulod na usab sa laing isolation facility si Cabunoc nga ubos na sa pagdumala ning dakbayan.
Matapos na usab ang pagtak-op sa unom ka simbahan nga gilangkuban sa duha ka dinhi sa syudad ug unom sa Misamis Oriental kay unang nagpositibo sa bayrus ang mga kura paroko niini.
