CAGAYAN DE ORO CITY – Gikasubo sa Armed Forces of the Philippines o AFP nga napatyan sila’g sundalo ug laing unom ang samaron sa engkuwentro tali rebeldeng New People’s Army o NPA sa bukirang bahin sa Kapai,Lanao del Sur.
Kini human nasugat sa puwersa sa 103rd IB,Philippine Army ang anaa sa 50 ka NPA members nga unang gika-engkuwentro sa laing tropa sa gobierno sa Iligan City,Lanao del Norte.
Miingon si AFP Western Mindanao Command spokesperson Lt Col Gerry Besana nga gihulat usab nila ang report gikan sa 1st ID,Philippine Army kabahin sa actual nga sitwasyon sa encounter site.
Kumbinsido si Besana nga daghan sa mga rebelde ang posibleng namatay ug samaron kay migamit sila’g super power artillery dihang miulbo ang pila ka oras nga engkuwentro sa Lanao del Sur.
Ang pahayag ni AFP Western Mindanao Command spokesperson Lt Col Gerry Besana
