Nag-andam na’g usa sa team sa mga pulis ang Misamis Oriental PNP aron magamit pagmintinar sa kahusay ug kalinaw sa lungsod sa Kinoguitan ning lalawigan.
Kini sa higayon nga mo-epekto na ang duha ka bulan nga prevention suspension sa provincial govt batok kang Kinoguitan Mayor Danilo Lagbas Jr tungod sa kasong administratibo.
Namahayag si Misamis Oriental PNP Provincial Director Col Wilbur Salaguste nga hinoon,wala pa sila’y na-monitor nga indikasyon nga mo-ulbo ang tensyon tali sa duha ka grupo apan kanunay’ng andam ang kapolisan paghatag seguridad.
Una nang gitawag ni Lagbas nga pamolitika ang gihimo ni Provincial Gov Peter Unabia gamit ang kasong administratibo nga giduso ni Kinoguitan Vice Mayor Tomas Zarate nga gipaboran usab sa Sangguniang Panlalawigan.
