Gihagit sa Alliance of Concerned Teachers Northern Mindanao ang gobyerno nga patas-on pa ang budget sa edukasyon ngadto sa 6% sa Gross Domestic Product aron mahatagan og solusyon ang krisis sa edukasyon sa nasud.
Sumala ni Roland S. Cruz coordinator sa ACT Northern Mindanao ,dili pa igo ang 1 trillion pesos nga pundo karong 2026 kay bahinon pa kini sa DepEd, CHED, ug TESDA, maong maglisod gihapon kini sa pagtubag sa kakuwangon sa kapin 60,000 ka mga classroom ug 150,000 nga mga magtutudlo.
Hinuon, gihatagan og dakong gibug-aton ni Cruz nga ang dakong pundo maoy yawi aron maaksyonan ang problema sa 1.3 million ka mga Grade 11 student nga adunay poor reading comprehension sa nasud.
Lakip sa iyang sugyot ang pagpamalit og igo nga learning materials ug ang paglimit sa gidaghanon sa mga tinun-an nga 35 lang matag usa ka magtutudlo aron mas mapalambo ang kalidad sa pagtulon-an.
Sa ulahi, gipasalig sa ACT nga pinaagi sa maong budget increase, mas makalaum kita nga mahan-ay ang mga perennial nga problema nga dugay na natong nasinati sa sistema sa edukasyon
