CAGAYAN DE ORO CITY-Gusto ni City Mayor Majul Gandamra nga mahatagan sa hustisya ang kadaot ug perhisyo nga gihimo sa grupong Maute-ISIS nga miguba sa Marawi City.
Kini bisan nga uyon si Gandamra nga dawaton sa gobierno kon motahan ang mga terorista subay sa kagustuhan ni Pres Rodrigo Duterte.
Miingon si Gandamra kinsa upat ka adlaw nga gibantayan ang city hall aron dili mailognga angay lamang manubag ang lideres ug utok sa pag-atake sa maong syudad.
Giawhag usab sa mayor nga simple nga dumdumon lamang ang nahitabo kanila nga mag-usa ka tuig na sa Mayo 23 ning tuiga.
Samtang giawhag ni Pres Rodrigo Duterte ang mga Maranao-Muslim nga dili na subli magpa-ilad pa sa idolehiya nga dala sa teroristang ISIS aron isabwag dinhi sa Mindanao.
Kini tungod kay pagguba sa pagtoong Islam lamang ang dala sa maong grupo nga unang gidawat sa grupong Maute ug
Abu Sayyaf Group o ASG sa Marawi City.
Miingon si Duterte kinsa nag-deklarar ug martial law sa Mindanao nga dili kini mailad sa mga terorista hinungdan gipangandaman niini ang dugang pagsabwag kagubot dinhi sa nasud.
