CAGAYAN DE ORO CITY-Patay ang usa ka tuig nga batang lalaki samtang samaron ang laing residente sa pagkasunog sa 28 ka balay sa Purok 2,Poblacion,Valencia City,Bukidnon.
Miingon si Valencia City BFP Fire Marshall Capt Romeo Miranda nga giila ang bata nga si John Michael Catao kinsa natulog samtang miulbo ang sunog sa kuwarto niini.
Dugang ni Miranda nga naligo ang inahan samtang gipahanginan niini sa gitoohang nag-overheat nga electric fan ang natulog nga bata.
Nadala usab sa ospital si Regie Palban human samaron tungod sa sunog.
Mitala’g kapin uno milyon pesos ang damyos ang sunog samtang gipahimutang na sa covered court ang apektadong mga pamilya.
