CAGAYAN DE ORO CITY – Dili kasadya kay duol nang saulugon ang ‘Domingo Gloria’ o sumad sa adlaw sa pagkabanhaw sa Ginoo apan kasub-anan ang gisagubang sa pamilyang Sagaab diha sa Sitio Kamakawan,Brgy Dumarait,Balingasag,Misamis Oriental.
Giila ni Bureau of Fire Protection-Balingasag Station investigator FO1 Ronald Baculio ang biktima nga si Joby Gregorio Sagaad,kapin tuig ang edad ug nagpuyo sa maong lugar.
Namahayag si Bacuilo nga giduyan sa inahan ang biktima samtang giingong nagdula-dula sa lighter ang laing duha ka igsoon rason nga natigayon ang kalit pag-ulbo sa kalayo.
Paspas nga nanggawas ang magsoon sa kuwarto aron pahibal-on ang inahan kabahin sa pagkasunog sa kuwarto.
Nahawiran na unta sa inahan ang bata apan nahulog kini gikan sa pagkuha sa duyan kay gumikan sa kadako na sa kalayo rason nga naapil sa pagkasunog.Nasuta nga paspas ang pagkaylap sa kalayo kay mugna sa mga kahoy ang balay sa mga biktima.
