CAGAYAN DE ORO CITY-Nasikop sa kapolisan ang trisikad driver nga giingong milugos sa kaugalingong paryente niini diha sa Brgy Camaman-an sa syudad.
Kini human unang gibutyag ni Rosie Simeon nga nadiskobrehan nga nagkadugo ug dunay sperm cells ang kinatawo sa iyang kapin usa ka tuig nga anak babaye kagahapong adlawa.
Gitumbok ni Gng Simeon nga maoy gidakop sa kapolisan si Ronald Gunayan,19 anyos kinsa iyang pag-umangkon nga nakipuyo ra usab sa ilang balay nga gisak-an sa lugar.
Una niini,gibilin sa inahan ngadto sa suspek ang bata kay nagpalit una kini’g tambal sa botika sa syudad.Samtang kasuhan sa rape ug child abuse ang trisikad driver nga gitudlo nga suspek paglugos sa kapin tuig batang babaye sa piskalya ning syudad ugmang adlawa.
Kini human paspas nasikop sa kapolisan ang suspek nga si Ronald Gunayan nga giingong mipahimulos sa kinatawo samtang nakalakaw ang inahan maong bata.
Miingon si Cogon Police Station commander Police Capt Dennis Quindara nga naglugwa na sa temporary medical certificate ang Northern Mindanao Medical Center aron magamit pag-file sa mga kaso batok suspek sa piskalya sa syudad.
Una niini,gihimakak sa ni Gunayan nga gilugos niya ang bata sukwahi sa pasangil sa inahan nga si Simeon.
