Anaa lamang sa napulo hangtud 30% sa mga dalan sa syudad ang maparalisar sa adlaw’ng Lunes.
Kini ang gibana-bana sa City Information Office base sa ilang nadawat nga mga abiso gikan sa tolo ka transport group nga mulusad sa transport holiday, ugmang adlawa.
Mitug-an si CIO Chief Jade Adecer nga gipangandaman na sa syudad ang mga ruta nga walay mamasada ugmang adlawa, aron mahatagag alibyo ang mga susamasakay sa among lugar.
Una nang namahayag si Adecer nga ang PONTRANSCO, CIJODA ug pipila ka drivers sa Xavier Heights ang dili mamasada sa Lunes.
Hisayran nga bisan grabe na mahal ang presyo sa lana, gisaad ni Mayor Klarex Uy nga mutabang sa estudyante ug trabahante nga mahatud sa ilang tunghaan ug trabahoan kay unang adlaw kini sa semana.
Dugtong niini magmuntar usab ang syudad sa mga pulis sa mga ruta nga way biyahe aron dili maharas ang mga driver nga buot mamasada sa ruta sa mga transport group nga namahulay.
