CAGAYAN DE ORO CITY – Naugdaw ang napulo ka balay nga nahimutang sa Purok 2,Brgy Baliwagan,Balingasag,Misamis Oriental.
Subay sa inisyal nga pakisusi,gibutyag ni Balingasag Police Station commander Police Maj Teodoro de Oro nga hinoon walay mga okupante sa maong mga balay ang samaron sa hitabo kay natigayon kini sa adlawan.
Siya miingon nga mohimo pa sa dugang pakisusi ang grupo ni BFP Balingasag Municipal Fire Marshall Insp Joyce Talines aron pagsuta sa hinungdan sa sunog ug kon pila usab ang damyos niini.
Sagad sa mga nasunog nga pinuy-anan ang hinimo sa light materials hinungdan nga paspas usab nga gikaon sa kalayo kagahapon sa hapon.
