CAGAYAN DE ORO CITY – Subli gibaharan ni City Mayor Oscar Moreno ang tanang mga empleyado sa city hall nga dili mamintaha aron makauna nga mabakuhan batok sa COVID-19 dinhi sa syudad.
Gihimo sa mayor ang bahad tungod sa iyang gimando nga pag-imbestigar sa usa ka dept head sa city hall nga mitugot nga mapa-bakunahan ang napulo ka empleyado nga dakong kasupakan sa vaccination rollout program sa syudad.
Miingon si Moreno nga una ug katapusang bahad na kini sa tanang city hall employees nga dili na usbon aron dili mag-atubang sa bug-at nga silot subay sa gabayan sa syudad ug IATF.
Nanganti nga mayor nga dili palabyon ang maong kasupakan kay dakong pagyatak kini sa palisya sa gobierno nga masunod ang pagtupok-bakuna sa medical frontliner workers ayha ang sunod nga anaa sa mga nakalista sa prayoridad.
Hisayrang una nang naninguha si Moreno nga mas mapakusog ug mapaspasan pa ang vaccination rollout sa dakbayan aron modugang ang DoH-Manila sa ilang alokasyon sa mga bakuna nga magamit alang sa lahi na usab nga priority list beneficiaries.
