CAGAYAN DE ORO CITY-Gilamoy sa kalayo ang 10 ka classrooms nga gi-okupahan sa Grade 6 pupils sa West City Central School sa Barangay Carmen,Cagayan de Oro City.
Si SFO1 Dennis Dalis,fire investigator sa Bureau of Fire Protection o BFP Central Fire District miingon nga wala nila gisalindot nga posibleng electrical faulty wiring ang hinungdan sa pag-ulbo sa sunog.
Nasuta usab nga nagsumikad ang pag-ulbo sa kalayo sa school canteen ug paspas nga mikuyanap padulong sa lokasyon sa grade 6 classrooms nga nahimutang sa ikaduha nga andana sa maong tunghaan.
Hinoon,walay tawo nga naangol sulod sa canteen sanglit nagbakasyon ang mga magtutudlo ug mga tinun-an ning panahona.
Naglusad pa sa site overhauling ang mga bombero sa pagsiguro nga dili na makamugna pa’g dugang kadaot ang maong sunog.
Natala ang structural damage sa inisyal nga P1.5 milyon.
