CAGAYAN DE ORO CITY –Negatibo ang resulta sa swab test sa napulo ka close contacts sa usa ka confirmed Covid-19 patient nga locally stranded individual sa syudad.
Gibutyag ni City epidemiologist Dr.Joselito Retuya nga maoy nag-negatibo ang kauban nga pasahero sa 25-anyos nga COVID patient nga taga Brgy Lumbia ingon man ang healthcare worker.
Kasamtangan nga gitambalan sa Northern Mindanao Medical Center ang pasyente ug anaa na sa stable nga kahimtang.
Kahinumduman nga moabot sa 65 ka indibidwal ang adunay close contacts sa duha ka architecture students nga nagpositibo sa Covid-19 gikan Cebu City.
