CAGAYAN DE ORO CITY-Kasuhan sa Comelec ang incumbent elected officials nga mogamit sa pondo aron suportahan ang mga kandidatong magpapili sa brgy ug SK elections ning tuiga.
Gihimo ni Comelec regional director Reynato Magbutay ang bahad dihang nakadawat kini’g mga report nga misugod na paglihok ang pipila ka elected officials aron ikampanya ang ilang mga kandidato sa kabarangayan.
Miingon si Magbutay nga dako kining kasupakan sa omnibus election code rason angay hulaton ang campaign period sa Mayo 4 hangtod 12 ning tuiga.
Nasayran nga anaa sa kapin 10-mil ka kandidato na nag nakaduso sa ilang sertipiko de kandidatura sa lain-laing opisina sa Comelec sa rehiyon.
Bana-banang kapi’g 70-mil ka kandidato sa brgy ug sk elections ang moduso sa sertipiko de kandidatura gikan sa 2-mil 022 ka brgy sa rehiyon ning semanaha.
