Angayan lamang nga tangtangon ug pulihan ang napulo ka personnel sa RTA nga nagpositibo sa surprise nga drug test nga gihimo sa PDEA.
Kini ang giingon ni Jun Tupag, lead convenor sa Road Safety Advocate, nga mipasiugda sa panginahanglan sa limpyo ug disiplinadong pwersa sa trapiko sa syudad.
Matod niya, daghan gihapon ang matinud-anon ug tarong nga mga kawani sa RTA nga matinumanon sa ilang katungdanan matag adlaw.
Busa, iyang giingon nga dili angay madaot ang imahe sa tibuok ahensya tungod lamang sa pipila ka personnel nga nasangkot sa paggamit sa ilegal nga droga.
Dugang pa niya, kinahanglan nga magkuha og bag-ong personnel aron mapulihan ang mga mapahawa ug aron mabalik ang pagsalig sa publiko sa maong buhatan.
